తల్లిదండ్రులు*
👨👩👧👦👨👩👧👦👨👩👧👦👨👩👧👦👨👩👧👦👨👩👧👦
సీసమాలిక
**********
వంశవృధ్ధినిజేయు వంశాంకురములను
నెలలుతొమ్మిదిమోయు నెలత తల్లి
జన్మనిచ్చియుపెంచి జవసత్వమంతయు
ధారబోసెడిజీవితల్లియొకతె
బిడ్డలందరికినివిద్యలజెప్పించి
ఉన్నతులనుజేయునుత్తముండు
సంఘరీతినిదెల్పి సత్ప్రవర్తననేర్పి
అండదండగతండ్రి యుండుమనకు
పెళ్లిళ్లు పేరంట మిళ్లువాకిళ్లను
సమకూర్చు సవనాన సమిధ నాన్న
తనుకష్టపడిననూ తనయుల వృద్ధికై
అహరహము తపించు ఆత్మ నాన్న
తే/గీ.
ఒకరుజన్మనిచ్చుబతుకునొకరునిచ్చు
తల్లిదండ్రులుమనకిలతొల్లి వేల్పు
పంచుకోబోకుముదిమినివంతుబెట్టి
వారిసేవించి దీవింప వాసికెక్కు .
శ్రీరామభారతి
